Мин, Сивцева Зоя, 2 гр инвалидпын. Уус-Алдан улууһугар олоробун.
Диагноһым атаксия, СЦА1.
Сылга 2 киирэн, кыаллар кэммэр хайаан да ЯНМЦ балыыһатыгар киирэн доруобуйабын поддержкаланан тахсабын. Система, укол, процедура, физиолечение баран тыын ылан чэпчиибин. Үчүгэй, элэккэй медперсонал миигин үөрдэр. Врачтарбар, Медсестраларбар,
Медбратка, Санитаркаларбар махталым муҥура суох. Үчүгэйэ диэн киирдэҕиҥ аайы Узи, Кардиолог, Окулист, Генетик уонна да атын бырааска көрдөрүнэҕин.
Мин улууспар оннук быраастар суохтар, ол иһин манна үөрэ-көтө киирэбин. Физкультура, Массаж баар. Манна үрдүк таһымнаах специалистар үлэлииллэриттэн үөрэбит.
Мин бу дьыл тохсунньу 27 -тэҥ олунньу 7 диэри курс лечение ылан чэпчээн олоробун. Биир палатаҕа Чурапчыттан, Намтан,
Якутсктан сылдьар ыарыһахтары кытта сыттым. Ыарыыбыт Саха сиригэр тэнийбит ыарыы. Биһиэхэ кыһаллаллара, көмөлөһөллөрө киһини үөрдэр.
Махталым муҥура суох. Бэйэм туспунан кыратык: 59 саастаахпын. Бииргэ төрөөбүт 6 этибит онтон 4-дэ маннык диагнозтаах.
Бары бу балыыһаҕа эмтэнэн, туһанан, тыыммыт уһаан өссө да олорор баҕалаахпыт. Оҕолорбун иитэн, сиэн улаатарын көрсөр дьоллоохпун.
Мин маннык балыыһа баарын 2019 сыллаахха дьонтон истэн хайаан да сылга иккитэ киирэн эмтэнэбин. Бу балыыһаҕа элбэх отделение баар. Быраастар барыбытыгар бириэмэ булан көрөллөр, кэпсэтэллэр. Көрөбүт ээ, кинилэр олох хойуккуга дылы улэлииллэрин. Тус бэйэм үрүҥ аанньалларбар махталым муҥура суох👏👏👏
Үлэҕитигэр үрдүк ситиилэри баҕарабын! Кыаллара буоллар балыыһабыт саҥа дьиэлэнэрэ буоллар!
Пандустаах, сытар, эмтиир да дьоҥҥо сөптөөх усулуобуйалаах, араас аппарат турар кыахтаах бары өттүнэн ситэриллибит балыыһа төһөлөөх үтүө буолуо этэй!