Мин, Стручков Иван Дмитриевич, 1965 сыл ыам ыйын 8 күнүгэр Абый улууһун Абый нэһилиэгэр төрөөбүтүм.
1995 сыллаахха ыал буолбутум,
кэргэним Муома улууһун Соболоох нэһилиэгиттэн сылдьар Анна Михайловна диэн.
Кыыстаах уол оҕолоохпут.
Билигин кыыспыт 29 сааһа, уолбут- 22.
Эдэр сааһым үксэ Муома улууһугар ааспыта, онно чааһынай сүөһүлээх этибит, сарсыарда аайы велигинан ынахтарбын хомуйааччыбын. Биир сарсыарда кыайан великтаабат буолан хаалбыт этим, онтон кыайан сүүрбэппин билбитим. Ол 2012 сыл сайыныгар этэ. Дьокуускайга МЦ көрдөрүммүтүм, СЦА1 ыарыы булан 3 группа инвалидность биэрбиттэрэ.
Сыл анаара курдугунан тайахтаммытым.
ЯНМЦ балыыһатыгар сыл аҥаара буола- буола эмтэнэн тахсар идэлээхпин. Маны эрдэ билбитим буоллар диэн санаалар сотору- сотору киирэллэр. Тоҕо диэтэххэ мин манна киирэн система, укуол арааһын туруоралларыттан сразу кэриэтэ чэпчиибин, санаам көтөҕүллэн тахсабын. Атаксистар үксүбүт оннук буолабыт, сураһан истэбин ээ. Аан бастаан ЯНМЦ киирэрбэр миэхэ Оксана Гаврильевна сүбэлээн, кини көмө- имэ буолан маны булар буоллум. Кини курдук кыһамньылаах быраас биһиги курдук ыарыылаах дьоҥҥо наһаа үчүгэй.
Түгэнинэн туһанан барҕа махталбын тириэрдиэм этэ.
Кини «Зеленая трость» Атаксия Ассоциациятыттан биэрбит тайаҕын илиибиттэн араарбаппын, ол курдук үчүгэй трость. Махтал буоллун Оксана Гаврильевнаҕа!
Чэ, манан мин кылгас историябын бүтэрэбин.
Билигин Москванан, Санкт- Петербург куораттарынан күүлэйдии, сири- дойдуну көрө сылдьабын😁.