Мин Сивцева Зоя Николаевна Уус -Алдан Өнөр нэһилиэгэр муус устар 22 күнүгэр 1965 сыллаахха төрөөбүтүм.
Билигин 60 сааспар сылдьабын.
2010 сылтан 2- с группалаах инбэлииппин.
Үс кыыспыттан ортокубут атаксияҕа анаалыһа бигэргэммитэ. Кыра кыыс анаалыс туттара илик.
20 сыл устата Уус- Алдан улууһун пенсионнай отделыгар Тыа хаһаайыстыбатын техникумугар ылбыт бухгалтер идэбинэн үтүө суобастаахтык үлэлээн пенсияҕа тахсыбытым. Коллективым үлэлииргэ үчүгэй буолан ол 20 сыл биир хонук курдук ааспыта.
Тэрилтэбэр ветеран буоларбынан киэн туттабын. Дьоллоох киһибин, билигин да тэрилтэбэр миигин саныыллар, ахталлар.
Икки улахан кыыһым, сиэним Америкаҕа олороллор. Миигин кытта кыра кыыһым бииргэ олорон көрөр.

Бииргэ төрөөбүттэр алтыабыт, ийэбит СЦА1 ыарыыта түөрт оҕоҕо бэриллибит.
Мин Поддерживающая терапия диэн анаан сылга иккитэ ЯФАН балыыһатыгар киирэн сытан тахсабын, онно киирэрбин кэтэһэбин. Эмтэнэн чэпчиибин. Үрдүк таһымнаах билиилээх быраастар, үчүгэйдик кыһаллар медперсонал, сайаҕас санитаркалар олус кичэйэн көрөллөр- истэллэр. Онтон улахан поддержка ылабын.