Үтүө күнүнэн бөлөххө баар дьонум!
Мин хас да сыл буолан баран төрөөбүт дойдубар кэллим. Дьонум вертолеттан илиилэригэр көтөҕөн ылан , массыынаҕа олордубуттара.
Кэлээппин кытта олохтоох балыыһа үлэһиттэрэ барахсаттар доруобуйабар кыһаллан 10 күн система , укол биэрдилэр.
Дойдум айылҕатын кэрийэн , көрөн-истэн , аал уоту аһатан, алаадьы ууран астына сылдьарбар чугас дьонум көмөлөстүлэр. Кинилэр көмөлөрүнэн күөлгэ , ойуурга , оттообут ходуһаларбар сырыттым.
Дойдум аһын -үөлүн амсайан , булдун тутан- хабан көрөн астынным
Бырааһынньыктарга оскуола оҕолоро кэлэн ыалдьыттаан , эҕэрдэлээн бараллар. Уопсайынан эттэхпинэ, биһиги курдук ыарыһахтарга дойдум дьоно наһаа болҕомтону уураллар эбит.
Сир-дойду аайы маннык киһилии болҕомто, араас сыаллаах , хайысхалаах күүстээх үлэ ыытыллыан наада эбит диэн өйгө-санааҕа кэллим.